Foto: Tengrinews.kz/Turar Qazanǵapov
Premer-ministrdiń orynbasary Altai Kólginov Úkimet otyrysy kýlýarynda Jańaózennen Astanaǵa kelgen munaishylar tóńiregindegi jaǵdaiǵa qatysty pikir bildirdi, - dep habarlaidy Tengrinews.kz saity.
"QazMunaiGaz" enshiles kompaniialarynyń jaǵdaiy týraly. Tenderlik protsedýralar júrgizilgenin bilesizder, al utylǵan kompaniia, onyń jumysshylary qazir qaita qaraý (tender qorytyndysyn – esk.) máselesin kóterip jatyr. Biraq bári zań aiasynda sheshilýi kerek. Qazir Energetika ministrligi men "QazMunaiGaz" ókilderi kelissózder, túsindirý jumystaryn júrgizip jatyr", - dedi Kólginov.
Vitse-premerdiń aitýynsha, bul kelissózder protsesi jáne barlyǵy zań aiasynda sheshilýi tiis.
"Olar jeńilgen kompaniianyń tenderde jeńgenin qalaidy. Biraq bul múmkin emes. Biz muny zań aiasynda jasaýymyz kerek. Tenderlik talaptar bar, ne sotta, ne zańdy túrde bárin qarastyrý kerek. Sondyqtan jai ǵana talap qoiý, kem degende, durys emes. Bizdiń mindetimiz olarǵa bos jumys oryndaryn usyný. Memlekettik organdar osylai istep jatyr", - dep qosty Kólginov.
