Almatyda karantinge qaramastan jastar Kókjailaý shatqalynda kesh uiymdastyrǵan, dep habarlaidy "Ult aqparat".
Jastardyń kóńildi demalysynan videolar áleýmettik jelide jariialandy.
QR Ekologiia, geologiia jáne tabiǵi resýrstar ministrliginiń baspasóz qyzmetinen málim etkendei, bul shara 24 mamyr kúni bolǵan.
«Karantin rejiminiń alynbaǵanyna bailanysty Almatyda 8 ekologiialyq post arqyly Ile Alataýy ulttyq parki territoriiasyna ótýge tyiym salynǵan. Alaida, Ulttyq park aýmaǵy úlken bolǵandyqtan, adamdar Prosveshenets, Gorelnik, Aqqaiyń, Kimasar asýlary arqyly da keledi. Bul joldardy ulttyq park qyzmetkerleri baqylai almaidy», - dedi ministrliktiń baspasóz qyzmetinen.
Odan bólek, Kókjailaý territoriiasyna Kazachka shatqaly arqyly da ótýge bolady. Bul jerde Kazachka, Alma-Arasan, Kókshoqy aýyldary, 5 myń adam turatyn Arasan saiajaiy ornalasqan.
Sondai-aq atap ótilgendei, videoǵa túsip qalǵan 888 SAB 02 nómirli kóliktiń júrgizýshisine ákimshilik aiyppul salyndy.
«Ile Alataýy ulttyq parkiniń inspektorlary júrgizýshini QR ÁqbK 367-babynyń 3-bóligine sáikes ákimshilik jazaǵa tartyp, 100 AEK mólsherinde aiyppul saldy», - dedi vedomstvodan.
QR Ekologiia, geologiia jáne tabiǵi resýrstar ministrligi karantin rejimin saqtaýǵa jáne osyǵan uqsas quqyqbuzýshylyq derekter anyqtalǵan jaǵdaida 297 07 72 nómirine habarlaýdy suraidy.
