«Kókjailaý» taý shańǵysy kýrortyna bólingen jer telimderi Ile Alataýy ulttyq parkiniń quramyna qaitarylýy múmkin. Bul týraly QR Premer-Ministri Asqar Maminniń Májilis depýtattarynyń resmi saýalyna bergen jaýabynda aitylǵan, dep habarlaidy "Ult aqparat".
«Kókjailaý» taý shańǵysy kýrorty qurylysynyń jobasyn júzege asyrý aiasynda Almaty qalasynyń ákimdigi onyń qurlysy úshin berilgen aýmaqty qysqartý máselesin qarastyryp jatyr. Buǵan qosa, Qazaqstan Respýblikasy Prezidentiniń 2019 jylǵy 8 sáýirdegi tapsyrmasyna sáikes, jobany júzege asyrý ýaqytsha toqtatylǵan. Jobany júzege asyrýdan bas tartylǵan jaǵdaida Ekologiia, geologiia jáne tabiǵi resýrstar ministrligi «Kókjailaý» taý shańǵysy kýrorty qurylysy úshin buǵan deiin berilgen jer qoryn ulttyq parktiń quramyna qaitarýdy kózdeitin QR Úkimeti qaýlysynyń jobasyna bastamashylyq jasaidy», - delingen Úkimet basshysynyń jaýabynda.
Esterińizge sala ketsek, 2019 jyldyń 3 sáýirinde Ile Alataýy ulttyq parki aýmaǵyndaǵy 5 jer ýchaskesi jalǵa berý úshin tenderge qoiylǵany belgili boldy. Bul jobaǵa qoǵam tarapynan narazylyq týyndaǵannan keiin Almaty ákimi Baýyrjan Baibek «Kókjailaý» kýrortynyń qurylysy keiinge qaldyrylǵanyn málimdedi.
