Foto: egemen.kz
Jetisý oblysynda bloger 4 jyl burynǵy áreketi úshin 216 myń teńge aiyppul arqalady, dep habarlaidy Ult.kz.
Daniiar Beiisqali esimdi azamat Qazaqstannyń memlekettik Eltańbasyn qoqys jáshiginen taýyp alyp, ony tazalap, úiine ilip qoiǵan. Ol bul qadamyn áleýmettik jelide rámizge qurmet retinde túsindirgen.
Alaida arada birneshe jyl ótken soń bul jariialanym Aqsý aýdany ákimdiginiń nazaryna iligip, is politsiiaǵa joldanǵan. Sheneýnikter blogerdiń áreketin memlekettik rámizdi maqsatsyz paidalaný dep baǵalaýdy suraǵan.
Nátijesinde quqyq qorǵaý organdary blogerge aiyppul saldy. Olar memlekettik rámizder zańmen erekshe qorǵalatynyn jáne olardy tek belgilengen tártip boiynsha paidalaný qajet ekenin eskertti.
Bul oqiǵa qoǵamda ekiudai pikir týdyrdy: bireýler ony rámizge qurmet dese, endi bireýler zań buzýshylyq retinde baǵalap otyr.
