Politsiia Kóktóbedegi órtten qaza bolǵan adam ólimine qatysty tergeýdi bastady. Bul týraly Almaty qalasy politsiia departamentinde habarlady.
«Sotqa deiingi biryńǵai tergeý reestrinde tirkelgen qylmystyq is aiasynda Almaty politseileri qaza bolǵan adamnyń kim ekenin anyqtap jatyr», - dep habarlady politsiiada.
Sot-meditsinalyq jáne taǵy basqa saraptamalyq zertteýler taǵaiyndalǵan. Onyń nátijesinde adamnyń neden qaza bolǵanyn naqty aitýǵa bolady.
Aita ketý kerek, Kóktóbe taýyndaǵy qurǵaq shóp keshe órtengen bolatyn. Tótenshe jaǵdaidy aýyzdyqtaý úshin tikushaqtar iske qosyldy. Tilsiz jaý 10 gektar aýmaqty sharpydy.
Keiin oqiǵa ornyna qala ákimi Baqytjan Saǵyntaev barǵan bolatyn.
