2-4 naýryz kúnderi Qazaqstanda jaýyn-shashyndy aýa raiy kútiledi, dep habarlaidy "Ult aqparat" «Qazgidromet» RMK-ǵa silteme jasap.
Qazaqstanǵa Ortalyq Aziia men Reseidiń Eýropalyq bóliginen bir ýaqytta tsiklondar jyljyp jatyr. Sondyqtan aldaǵy demalys kúnderi respýblikada kúrdeli meteorologiialyq jaǵdaidaǵy aýa raiy kútiledi. Qazaqstannyń basym bóliginde Reseidiń Eýropalyq bóliginen keletin atmosferalyq fronttardyń áserinen qar jaýyp, kei jerlerde burqasyn bolady. Kúshti ekpindi jel turyp, jylýdyń áserinen kóktaiǵaq kútiledi.
Ońtústik oblystarda ońtústik tsiklonnyń áserinen jańbyr, jylbysqy qar, dúisenbide qatty jaýyn-shashyn bolýy yqtimal. Temperatýra aýytqýy múmkin, biraq batystan basqa aimaqtarda aýa temperatýrasy klimattyq normadan joǵary bolady. Batysta temperatýra normaǵa jaqyn jáne tómen.
