Kóktemdegi UBT 10 naýryzda bastalyp, 10 sáýirge deiin jalǵasady, dep habarlaidy "Ult aqparat" BǴM baspasóz qyzmetine silteme jasap.
Joǵary oqý ornynyń aqyly bólimine túsýdi josparlaǵan talapkerler úshin uiymdastyrylatyn naýryz aiyndaǵy Ulttyq biryńǵai testileý kompiýter formatynda ótedi. Eger buǵan deiin kóktem aiyndaǵy testileý tek 10 kúnge sozylsa, biyl qatysýshylarǵa 1 ai ýaqyt berildi. Naýryzdaǵy UBT-ǵa qatysý úshin app.testcenter.kz siltemesi boiynsha tirkelý qajet.
Pánder sany ádettegidei beseý: úsh mindetti jáne eki beiindik pán boiynsha testileý júrgiziledi. Testileýge jalpy 4 saǵat (240 minýt) beriledi. Maksimaldy ball – 140.
«JOO-nyń aqyly bólimine oqýǵa túsýge niet bildirgender Ulttyq testileý ortalyǵynyń saity arqyly tirkele alady. Kóktemdegi UBT 10 naýryzda bastalyp, 10 sáýirge deiin jalǵasady. Testileý elektrondyq formatta «bir testilenýshi – bir kompiýter – bir kamera» qaǵidasy boiynsha ótedi. Sondai-aq proktoring júiesi qoldanylady, beinebaqylaý ornatylady. Tulǵany tsifrlyq sáikestendirý júiesi – Face ID UBT-ǵa qatyspaq bolǵan bóten adamdardy anyqtaýǵa múmkindik beredi. Osynyń barlyǵy akademiialyq adaldyq qaǵidalarynyń saqtalýyn baqylaýdy kúsheitýge jaǵdai jasaidy», – dedi QR BǴM Joǵary jáne joǵary oqý ornynan keiingi bilim departamentiniń direktory Ádilet Toibaev.
UBT ótkizý kezinde sanitarlyq talaptar saqtalatyn bolady.
