كٶكتەمدەگٸ ۇبت 10 ناۋرىزدا باستالىپ, 10 سەۋٸرگە دەيٸن جالعاسادى, دەپ حابارلايدى "ۇلت اقپارات" بعم باسپاسٶز قىزمەتٸنە سٸلتەمە جاساپ.
جوعارى وقۋ ورنىنىڭ اقىلى بٶلٸمٸنە تٷسۋدٸ جوسپارلاعان تالاپكەرلەر ٷشٸن ۇيىمداستىرىلاتىن ناۋرىز ايىنداعى ۇلتتىق بٸرىڭعاي تەستٸلەۋ كومپيۋتەر فورماتىندا ٶتەدٸ. ەگەر بۇعان دەيٸن كٶكتەم ايىنداعى تەستٸلەۋ تەك 10 كٷنگە سوزىلسا, بيىل قاتىسۋشىلارعا 1 اي ۋاقىت بەرٸلدٸ. ناۋرىزداعى ۇبت-عا قاتىسۋ ٷشٸن app.testcenter.kz سٸلتەمەسٸ بويىنشا تٸركەلۋ قاجەت.
پەندەر سانى ەدەتتەگٸدەي بەسەۋ: ٷش مٸندەتتٸ جەنە ەكٸ بەيٸندٸك پەن بويىنشا تەستٸلەۋ جٷرگٸزٸلەدٸ. تەستٸلەۋگە جالپى 4 ساعات (240 مينۋت) بەرٸلەدٸ. ماكسيمالدى بالل – 140.
«جوو-نىڭ اقىلى بٶلٸمٸنە وقۋعا تٷسۋگە نيەت بٸلدٸرگەندەر ۇلتتىق تەستٸلەۋ ورتالىعىنىڭ سايتى ارقىلى تٸركەلە الادى. كٶكتەمدەگٸ ۇبت 10 ناۋرىزدا باستالىپ, 10 سەۋٸرگە دەيٸن جالعاسادى. تەستٸلەۋ ەلەكتروندىق فورماتتا «بٸر تەستٸلەنۋشٸ – بٸر كومپيۋتەر – بٸر كامەرا» قاعيداسى بويىنشا ٶتەدٸ. سونداي-اق پروكتورينگ جٷيەسٸ قولدانىلادى, بەينەباقىلاۋ ورناتىلادى. تۇلعانى تسيفرلىق سەيكەستەندٸرۋ جٷيەسٸ – Face ID ۇبت-عا قاتىسپاق بولعان بٶتەن ادامداردى انىقتاۋعا مٷمكٸندٸك بەرەدٸ. وسىنىڭ بارلىعى اكادەمييالىق ادالدىق قاعيدالارىنىڭ ساقتالۋىن باقىلاۋدى كٷشەيتۋگە جاعداي جاسايدى», – دەدٸ قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ.
ۇبت ٶتكٸزۋ كەزٸندە سانيتارلىق تالاپتار ساقتالاتىن بولادى.
