Foto: Turar Qazanǵapov
Sharýalar ónip ketken astyq dánin satýda problemaǵa tap bolyp otyr. Bul týraly «Rodina» agrofirmasy» JShS-niń bas direktory Ivan Saýer aitty, dep habarlaidy Kazinform agenttigi.
«Astyqtyń deni ónip ketti. Sondyqtan ony satýda aitarlyqtai problema bar. Sondai-aq kóktemde tuqymmen de kúrdeli jait qalyptasýy múmkin dep oilaimyn. Óitkeni kóptegen sharýashylyqtar múldem tuqymdary joq ekendigin aityp jatyr. Demek, búginnen bastap oilastyrý qajetti problemalar týyndap otyr», - dedi Ivan Saýer Májilistegi dóńgelek ústel otyrysynan keiin agenttik tilshisiniń saýalyna orai.
Agrofirma basshysy sharýalardy sýbsidiialaý máselesine qatysty problemalarǵa da toqtaldy.
«Sýbsidiialaý boiynsha tsifrda óte úlken alshaqtyq bar. Kúz basynda ministr Saparov baiandama jasap, sýbsidiia boiynsha bereshek shamamen 155 mlrd teńge ekenin aitqan edi. Bul tsifr sharýalar aityp otyrǵan derekpen para-par desek te bolady. Alaida, oblystyq aýyl sharýashylyǵy basqarmalarynyń derekterimen bul tsifrdy salystyrǵanda bereshek tek shamamen 90 mlrd teńge ǵana bolyp shyqty. Árine, ádiletsiz derek. Bul jergilikti oblystyq aýyl sharýashylyǵy basqarmalarynyń kemshiligi siiaqty», - dedi ol.
