فوتو: تۇرار قازانعاپوۆ
شارۋالار ٶنٸپ كەتكەن استىق دەنٸن ساتۋدا پروبلەماعا تاپ بولىپ وتىر. بۇل تۋرالى «رودينا» اگروفيرماسى» جشس-نٸڭ باس ديرەكتورى يۆان ساۋەر ايتتى, دەپ حابارلايدى Kazinform اگەنتتٸگٸ.
«استىقتىڭ دەنٸ ٶنٸپ كەتتٸ. سوندىقتان ونى ساتۋدا ايتارلىقتاي پروبلەما بار. سونداي-اق كٶكتەمدە تۇقىممەن دە كٷردەلٸ جايت قالىپتاسۋى مٷمكٸن دەپ ويلايمىن. ٶيتكەنٸ كٶپتەگەن شارۋاشىلىقتار مٷلدەم تۇقىمدارى جوق ەكەندٸگٸن ايتىپ جاتىر. دەمەك, بٷگٸننەن باستاپ ويلاستىرۋ قاجەتتٸ پروبلەمالار تۋىنداپ وتىر», - دەدٸ يۆان ساۋەر مەجٸلٸستەگٸ دٶڭگەلەك ٷستەل وتىرىسىنان كەيٸن اگەنتتٸك تٸلشٸسٸنٸڭ ساۋالىنا وراي.
اگروفيرما باسشىسى شارۋالاردى سۋبسيدييالاۋ مەسەلەسٸنە قاتىستى پروبلەمالارعا دا توقتالدى.
«سۋبسيدييالاۋ بويىنشا تسيفردا ٶتە ٷلكەن الشاقتىق بار. كٷز باسىندا مينيستر ساپاروۆ بايانداما جاساپ, سۋبسيدييا بويىنشا بەرەشەك شامامەن 155 ملرد تەڭگە ەكەنٸن ايتقان ەدٸ. بۇل تسيفر شارۋالار ايتىپ وتىرعان دەرەكپەن پارا-پار دەسەك تە بولادى. الايدا, وبلىستىق اۋىل شارۋاشىلىعى باسقارمالارىنىڭ دەرەكتەرٸمەن بۇل تسيفردى سالىستىرعاندا بەرەشەك تەك شامامەن 90 ملرد تەڭگە عانا بولىپ شىقتى. ەرينە, ەدٸلەتسٸز دەرەك. بۇل جەرگٸلٸكتٸ وبلىستىق اۋىل شارۋاشىلىعى باسقارمالارىنىڭ كەمشٸلٸگٸ سيياقتى», - دەدٸ ول.
