Aqmola oblysynyń bishileri Pavlodardaǵy baiqaýda birneshe júldege ie boldy.
Kókshetaý qalasyndaǵy Aqan seri atyndaǵy joǵary mádeniet kolledjiniń «Jarqyn» halyqtyq bi ansambli Pavlodar qalasynda ótken «Qazaqstan raýshandary» horeografiialyq óneriniń H-shy halyqaralyq festival-baiqaýyna qatysyp, «Halyq bii» jáne «Stildengen halyq bii» atalymdarynda júldeli 1-shi dárejeli laýreat atandy. Baiqaýǵa Resei men Qazaqstannan 40 ujym qatysyp, óz ónerlerin ortaǵa saldy.
Sonymen qatar, «Raýshan týraly bi» atalymy boiynsha ansambl jetekshisi Ásel Kóbigen «Joǵary kásibi ujym» arnaiy diplomymen marapattaldy. Al, ansambldiń qoiýshy-baletmeisteri, Qazaqstan Respýblikasynyń mádeniet qairatkeri Gúlmira Ordabaeva gala-kontserttiń sánine ainalǵan «Qoshtasý» horeografiialyq qoiylymy úshin festival-baiqaýdyń qazylar alqasynyń Alǵys hatymen marapattaldy.
Sondai-aq, ansambl ujymy festival-baiqaýdyń arnaiy syilyǵy, Sankt-Peterbýrg qalasynda ótetin «Rozy Rossii» halyqaralyq horeografiialyq óner festival-baiqaýyna qatysý sertifikaty men «Rozy Bolgarii» halyqaralyq shyǵarmashylyq jobasyna qatysýǵa múmkindik beretin arnaiy shaqyrýǵa ie boldy.
«Jarqyn» ansambli baiqaýda kórsetken joǵary kásibi sheberligi úshin halyqaralyq shyǵarmashylyq jobanyń bas direktory Valentin Stoichevtiń aqshalai syilyǵymen de marapattaldy.
