Kókshetaýda "Rýhani jańǵyrý" baǵdarlamasy jáne Jastar jyly aiasynda jańa sahna – "Eljastar" eksperimentaldy-laboratoriialyq teatr ashyldy, onda jas rejisserler eksperimentaldy spektaklderin qoia alady.
Aqan seri atyndaǵy joǵary mádeniet kolledjiniń qabyrǵasynda jas akterler jańa teatr maýsymyn bashqurt jazýshysy Aigiz Baimuhametovtyń "Tastamashy meni, ana!" shyǵarmasynyń jelisi boiynsha "Armandar kemesi" qoiylymymen ashty. Trýppa quramyna kolledj túlekteri men stýdentteri kirdi.
Qazaq tiline aýdarylǵan shyǵarmanyń avtory - aqyn, Qazaqstan Respýblikasy Jastar syilyǵynyń laýreaty, "Móldir bulaq" jýrnalynyń bas redaktorynyń orynbasary Saiat Qamshyger.
Akterlerdiń kreativti oqýy, emotsiialyq oiyny, qoiylym rejisseri Farhadbek Qanafinniń kásibiligi kórermenderge shyǵarmanyń atmosferasy men mazmunyn jetkize bildi.
Esterińizge sala keteiik, sáýir aiynda teatr Aqtóbe qalasynda ótken IV Halyqaralyq "Balaýsa" festivaliniń qatysýshysy bolyp, "Ózekti sahnalyq tildi izdegeni úshin" nominatsiiasyna ie boldy.
Teatr akterleri "Rýhani jańǵyrý" baǵdarlamasy aiasynda júzege asyrylyp jatqan is-sharalarǵa belsene qatysady.
Jaqyn arada shyǵarmashylyq ujym qalanyń oqý oryndarynda spektakl qoiady. Aldaǵy ýaqytta da oblystyń aýdandary men qalalary boiynsha týr ótkizýdi josparlap otyr.
