كٶكشەتاۋدا "رۋحاني جاڭعىرۋ" باعدارلاماسى جەنە جاستار جىلى اياسىندا جاڭا ساحنا – "Eljastar" ەكسپەريمەنتالدى-لابوراتورييالىق تەاتر اشىلدى, وندا جاس رەجيسسەرلەر ەكسپەريمەنتالدى سپەكتاكلدەرٸن قويا الادى.
اقان سەرٸ اتىنداعى جوعارى مەدەنيەت كوللەدجٸنٸڭ قابىرعاسىندا جاس اكتەرلەر جاڭا تەاتر ماۋسىمىن باشقۇرت جازۋشىسى ايگيز بايمۇحامەتوۆتىڭ "تاستاماشى مەنٸ, انا!" شىعارماسىنىڭ جەلٸسٸ بويىنشا "ارماندار كەمەسٸ" قويىلىمىمەن اشتى. ترۋپپا قۇرامىنا كوللەدج تٷلەكتەرٸ مەن ستۋدەنتتەرٸ كٸردٸ.
قازاق تٸلٸنە اۋدارىلعان شىعارمانىڭ اۆتورى - اقىن, قازاقستان رەسپۋبليكاسى جاستار سىيلىعىنىڭ لاۋرەاتى, "مٶلدٸر بۇلاق" جۋرنالىنىڭ باس رەداكتورىنىڭ ورىنباسارى سايات قامشىگەر.
اكتەرلەردٸڭ كرەاتيۆتٸ وقۋى, ەموتسييالىق ويىنى, قويىلىم رەجيسسەرٸ فارحادبەك قانافيننٸڭ كەسٸبيلٸگٸ كٶرەرمەندەرگە شىعارمانىڭ اتموسفەراسى مەن مازمۇنىن جەتكٸزە بٸلدٸ.
ەستەرٸڭٸزگە سالا كەتەيٸك, سەۋٸر ايىندا تەاتر اقتٶبە قالاسىندا ٶتكەن ٸV حالىقارالىق "بالاۋسا" فەستيۆالٸنٸڭ قاتىسۋشىسى بولىپ, "ٶزەكتٸ ساحنالىق تٸلدٸ ٸزدەگەنٸ ٷشٸن" نوميناتسيياسىنا يە بولدى.
تەاتر اكتەرلەرٸ "رۋحاني جاڭعىرۋ" باعدارلاماسى اياسىندا جٷزەگە اسىرىلىپ جاتقان ٸس-شارالارعا بەلسەنە قاتىسادى.
جاقىن ارادا شىعارماشىلىق ۇجىم قالانىڭ وقۋ ورىندارىندا سپەكتاكل قويادى. الداعى ۋاقىتتا دا وبلىستىڭ اۋداندارى مەن قالالارى بويىنشا تۋر ٶتكٸزۋدٸ جوسپارلاپ وتىر.
