Kókshetaýda nóser jaýyn saldarynan 20 turǵyn úidi sý basty. Bul týraly Aqmola oblysy Tótenshe jaǵdailar departamentiniń baspasóz qyzmeti habarlady, - dep habarlaidy Massaget.kz portaly.
Tótenshe jaǵdailar departamenti málimetinshe, 29 shildede Kókshetaýda tolassyz jaýǵan jańbyr saldarynan 60 aýla aýmaǵyn jańbyr sýy basqan, onyń ishinde 20-sy turǵyn úi.
"Birden Aqmola oblysy Tótenshe jaǵdailar departamenti basshysynyń nusqaýymen jedel shtab jumyldyryldy. Jańbyr sýyn sorý jumystary júrgizilip, sondai-aq qajet bolǵan jaǵdaida kómek kórsetý úshin mekenjailardy tekserý jumystary júrgizilip jatyr. Qazirgi ýaqytta sý basqan 20 turǵyn úidiń úsheýinde sý soryldy. Jumys jalǵasyp jatyr", - dedi TJD ókilderi.
