Órt sóndirýshi Asqar Zabikýlin Aqmola oblysynda jerlendi. Bul týraly Tótenshe jaǵdailar ministrliginiń resmi ókili Rýslan Imanqulov málimdedi, - dep habarlaidy Tengrinews.kz agenttigi.
"Búgin Aqmola oblysynda óz ómirin qurban etip, azamattardyń ómirin saqtap qalǵan batyrymyz Asqar Zabikýlindi jerleý rásimi ótip jatyr. Barlyq qajetti, dástúrge sai, rásimder saqtalady.
Sońǵy saparǵa shyǵaryp salý rásimi de Kókshetaý qalasynyń halyq kóp jinalǵan ortalyq meshiti janynda ótti. Tańerteń Astana garnizonynan 150-ge jýyq adam shyqty. Olardyń bári sońǵy jyldary Asqardyń qasynda bolǵan áriptesteri, barlyǵy batyrdyń rýhyna taǵzym etý úshin bardy", - dedi TJM resmi ókili Rýslan Imanqulov.
Tótenshe jaǵdailar ministrligi basshylyǵynyń ókilderi de Aqmola oblysynda júrgeni habarlandy.
"Biz ony sońǵy saparǵa shyǵaryp salyp, qolymyzdan kelgenshe qurmet kórsetip jatyrmyz. Biraq, árine, onyń tiri qalǵany qundy bolar edi", - dedi Imanqulov.
Eske salaiyq, 20 qarashada órtsóndirýshi Asqar Zabikýlin aýrýhanada qaitys bolǵany belgili boldy. Dárigerler birneshe kún boiy qutqarýshynyń ómiri úshin kúresti.
