Aqmola oblysynda pikirsaiys pen kandidattarǵa daýys berý qorytyndysy boiynsha Májiliske úmitkerlerdiń partiialyq tizimi bekitildi, dep habarlaidy "Ult aqparat" «Nur Otan» partiiasy Aqmola oblystyq filialynyń baspasóz qyzmetine silteme jasap.
Partiialyq tizimge úsh qatysýshy endi. Olar: aýmaqtyq partiia filialynyń tóraǵasy, Sandyqtaý aýdanynyń ákimi Asqarbek Úisimbaev, «Orlenok» JShS direktory Pavel Bezverbnyi jáne A.Myrzahmetov atyndaǵy Kókshetaý ýniversitetiniń rektory Mádi Elýbaev.
«Nur Otan» partiiasy Aqmola oblystyq filialynyń kezekten tys ótken aimaqtyq konferentsiiasy kezindegi pikirsaiysqa barlyǵy 21 adam qatysty.
Sonymen birge, partiia músheleri oblystyq máslihat depýtattaryn sailaý boiynsha partiialyq tizimdi bekitti. Ol 58 úmitkerden turady.
Tizimde kóptegen jańa esimder bar, bul fraktsiia quramyndaǵy eleýli ózgeristerdi bildiredi. Sabaqtastyq saqtala otyryp, bekitilgen partiialyq tizim boiynsha qazirgi depýtattardyń 31,2 paiyzy qaita sailaýǵa barady.
Áielder sany - 2,5 ese, 35 jasqa deiingi jastar ókili - 20,7 paiyzǵa deiin ósti. Partiialyq tizimge ótken úmitkerlerdiń ortasha jasy - 43 jas, sondyqtan onyń quramy 12 jasqa deiin jasardy.
Partiialyq tizimniń 29,3 paiyzy shaǵyn jáne orta biznestegi kásipkerlerdiń úlesinde bolsa, 25,9 paiyzyn bilim berý salasynyń ókilderi, 13,8 paiyzyn aýyl sharýashylyǵy jáne basqalary quraidy.
Osylaisha, oblystyq máslihattyń quramy shamamen 70 paiyzǵa jańarady.
