Kókshetaýda kópqabatty turǵyn úidiń balkony qulady. Balkonnyń beton plitasy men kirpishteri úidiń aldynda turǵan kóliktiń ústine tústi, dep habarlaidy "Ult aqparat".
Aqmola oblystyq TJD baspasóz qyzmetiniń máli metinshe, keleńsiz jaǵdai búgin saǵat 14:42 oblys ortalyǵyndaǵy Kenesary kóshesi 25 mekenjaiy boiynsha ornalasqan 5 qabatty turǵyn úide oryn aldy.
«Anyqtalǵandai, kóppáterli turǵyn úidiń eń joǵary 5 qabatyndaǵy páterdiń balkony qulaǵan. Oqiǵa ornyna TJD 3 tehnikasy men 14 qyzmetkeri baryp, qulaǵan balkonnyń ornyndaǵy kirpish synyqtaryn tazalady. Zardap shekkender men mert bolǵandar joq», - dedi vedomstvodan.
Aita keteiik, balkonnyń qulaǵany týraly áleýmettik jelide foto jáne beinejazba tarady. Onda balkonnyń beton plitasy men kirpish synyqtary úidiń aldynda turǵan kóliktiń ústine qulaǵanyn kórýge bolady.
