Dúlei daýyl Kókshetaýda turǵyn úidiń shatyryn julyp áketti, dep habarlaidy "Ult aqparat".
Áleýmettik jelide taraǵan videonyń avtorynyń sózinshe, qatty jel Áýelbekov kóshesi 166 úidiń shatyryn julyp qulatqanyn baiqaýǵa bolady.
«Saǵat 17:00 jaǵdai boiynsha, jel qalanyń birqatar aýdandarynda turǵyn úilerdiń shatyryn julyp áketip, aialdamalardy qulatqan. Osyǵan bailanysty, ózderińizdiń qaýipsizdikterińiz úshin úiden shyqpaýlaryńyzdy suraimyz», - delingen qala ákimdiginiń instagramdaǵy paraqshasynda .
Sonymen qatar, jeldiń saldarynan qalanyń keibir aýdandarynda elektr jaryǵy óship qalǵan. Daýyldan zardap shekkender joq.
