Kókshetaýda dárigerler arnalǵan 40 páterli turǵyn úi salynýda. Aimaq basshysy Ermek Marjyqpaev jańadan salynyp jatqan atalmysh turǵyn úidiń qurylys jáne jol jóndeý jumystarynyń barysymen tanysty, - dep habarlaidy Aqmola oblysy ákimdiginiń baspasóz qyzmeti.
Merdigerlerdiń sózinshe, jaqyn kúnderi 260 páterdiń kilti tapsyrylmaqshy.
«Qazirgi kezde búkil dúniejúzi elderindegidei bizdiń oblysymyzda da koronavirýs infektsiiasyna qarsy kúres júrgizilýde. Búgin biz jańadan salynǵan PTR (polimerazalyq tizbek reaktsiia) jáne farmatsevtikalyq zerthanalardy ashtyq. Onda kez kelgen adam koronavirýs infektsiiasyna test tapsyra alady. Ótken aptada dárigerlermen ótken kezdesýde sáýir aiynyń sońynda turǵyn úi qurylysyn bastaitynymyzdy aitqan edim. Búgin ózderińiz kórip otyrǵandai dárigerlerge arnalǵan 40 páterli turǵyn úidiń qurylys júrgizilýde. Bul úi tapsyrylǵannan soń, osy baǵyttaǵy jumystardy odan ári jalǵastyrýdyń múmkindigin qarastyratyn bolamyz. Dárigerler úshin úi salýdyń qajettigi týyndap otyr. Oblysymyzda dárigerlerdiń jetispeýshiligine osy sebep bolyp otyrǵan jaiy bar», - dep atap ótti aimaq basshysy.
Aita keteiik, Kókshetaýda búginnen bastap jańadan salynǵan PTR (polimerazalyq tizbek reaktsiia) jáne farmatsevtikalyq zerthanalar jumysyn bastady. Turǵyndar qajetti analizderin tapsyra alady. Máselen, koronavirýs infektsiiasynan bólek, gepatit, nesep-jynys infektsiialaryna tárizdi ózge aýrýlarǵa da synama alynady.
