Foto: stan.kz
Kókshetaýda buralqy itter júkti áielge shabýyl jasady. Bul týraly Stan.kz aqparat agenttigine silteme jasap Ult.kz habarlaidy.
Jábirlenýshiniń aitýynsha, oqiǵa 16 sáýir kúni Býrabai shaǵynaýdanynda akýsher-dárigerdiń qabyldaýynan úiine qaityp kele jatqan sátte bolǵan.
"Itter shamamen on shaqty boldy. Aldymen olar menimen qatar kele jatqan áielge tap berdi, keiin maǵan shabýyl jasady", – deidi jábirlenýshi.
Abyroi bolǵanda, áielderge jaqyn mańnan ótip bara jatqan er adam kómekke kelgen. Ol itterdi qýyp jiberip, jedel járdem shaqyrǵan.
Dárigerler jaraqatty óńdep, qutyrýǵa qarsy ekpe kýrsyn taǵaiyndaǵan. Endi júkti áiel qutyrýǵa qarsy vaktsinatsiia kýrsynan ótý qajet.
Sonymen qatar bolǵan oqiǵanyń jatyrdaǵy balanyń densaýlyǵyna qalai áser etetini áli belgisiz.
Jergilikti turǵyndar buralqy itter tobynyń bul shaǵynaýdandaǵy №11 orta mektep mańynda uzaq ýaqyttan beri júrgenin, mundai jaǵdailar buǵan deiin de bolǵanyn aitady.
Eske salsaq, buǵan deiin qazaqstandyqtar qańǵybas itterdi jappai óltirý týraly zań jobasyna qarsy shyqqany týraly jazǵan edik. Aitýlarynsha, depýtattar bul zańdy esh aqyldaspai, oilanbai qabyldaǵan. Qazaqstandyqtar memlekettiń deńgeii janýarlarǵa degen qarym-qatynasynan kórinetinin eske salyp, zańǵa qarsy prezidentke úndeý daiyndap jatyr.
