فوتو: stan.kz
كٶكشەتاۋدا بۇرالقى يتتەر جٷكتٸ ەيەلگە شابۋىل جاسادى. بۇل تۋرالى Stan.kz اقپارات اگەنتتٸگٸنە سٸلتەمە جاساپ Ult.kz حابارلايدى.
جەبٸرلەنۋشٸنٸڭ ايتۋىنشا, وقيعا 16 سەۋٸر كٷنٸ بۋراباي شاعىناۋدانىندا اكۋشەر-دەرٸگەردٸڭ قابىلداۋىنان ٷيٸنە قايتىپ كەلە جاتقان سەتتە بولعان.
"يتتەر شامامەن ون شاقتى بولدى. الدىمەن ولار مەنٸمەن قاتار كەلە جاتقان ەيەلگە تاپ بەردٸ, كەيٸن ماعان شابۋىل جاسادى", – دەيدٸ جەبٸرلەنۋشٸ.
ابىروي بولعاندا, ەيەلدەرگە جاقىن ماڭنان ٶتٸپ بارا جاتقان ەر ادام كٶمەككە كەلگەن. ول يتتەردٸ قۋىپ جٸبەرٸپ, جەدەل جەردەم شاقىرعان.
دەرٸگەرلەر جاراقاتتى ٶڭدەپ, قۇتىرۋعا قارسى ەكپە كۋرسىن تاعايىنداعان. ەندٸ جٷكتٸ ەيەل قۇتىرۋعا قارسى ۆاكتسيناتسييا كۋرسىنان ٶتۋ قاجەت.
سونىمەن قاتار بولعان وقيعانىڭ جاتىرداعى بالانىڭ دەنساۋلىعىنا قالاي ەسەر ەتەتٸنٸ ەلٸ بەلگٸسٸز.
جەرگٸلٸكتٸ تۇرعىندار بۇرالقى يتتەر توبىنىڭ بۇل شاعىناۋدانداعى №11 ورتا مەكتەپ ماڭىندا ۇزاق ۋاقىتتان بەرٸ جٷرگەنٸن, مۇنداي جاعدايلار بۇعان دەيٸن دە بولعانىن ايتادى.
ەسكە سالساق, بۇعان دەيٸن قازاقستاندىقتار قاڭعىباس يتتەردٸ جاپپاي ٶلتٸرۋ تۋرالى زاڭ جوباسىنا قارسى شىققانى تۋرالى جازعان ەدٸك. ايتۋلارىنشا, دەپۋتاتتار بۇل زاڭدى ەش اقىلداسپاي, ويلانباي قابىلداعان. قازاقستاندىقتار مەملەكەتتٸڭ دەڭگەيٸ جانۋارلارعا دەگەن قارىم-قاتىناسىنان كٶرٸنەتٸنٸن ەسكە سالىپ, زاڭعا قارسى پرەزيدەنتكە ٷندەۋ دايىنداپ جاتىر.
