Kókshetaýda kólik júrgizgen 12 jasar bala jol-kólik apatyna tústi, dep habarlaidy "Ult aqparat" Aqmola oblystyq PD baspasóz qyzmetine silteme jasap.
«17 mamyrda keshki saǵat 22:00 shamasynda Kókshetaý qalasynyń 50 jastaǵy turǵyny úi aýlasynda «Mitsubishi Pajero» kóligin jóndep, qozǵaltqyshyn qosýly kúide qaldyrǵan. Osy kezde, ákesiniń ruqsatynsyz kólikke otyrǵan onyń 12 jasar uly aibasyzda kóliktiń berilis qorapshysynyń tutqasyn qozǵap jibergen. Saldarynan kólik ornynan júrip ketip, 8 Mart kóshesindegi turǵyn úidiń aýlasyndaǵy metall qorshaýǵa soǵyldy», - dedi vedomstvodan.
DP baspasóz qyzmetinen atap ótkendei, turǵyndar bolǵan oqiǵany uialy telefonnyń beinekamerasyna túsirip, áleýmettik jelige salǵan. Nátijesinde bir saǵattan keiin politsiia qyzmetkerleri júrgizýshini anyqtap, tártip buzýshyny QR ÁQbK-niń 611-baby 1-bóligi boiynsha ákimshilik jaýapqa tartty.
