Aqmola oblysynda alaiaqtyq jasaǵan degen kúdikpen áiel ustaldy. Ol WhatsApp arqyly «qarjy piramidasy» siiaqty jobaǵa aqshalai qarajat quiýǵa shaqyrǵan, dep habarlaidy "Ult aqparat".
Aqmola oblysy politsiia departamenti baspasóz qyzmetiniń aqparatynsha, kriminaldyq politsiia qyzmetkerleri Kókshetaýdyń 59 jastaǵy turǵynynyń aryzy boiynsha buryn jasalǵan qylmysty ashqan.
«Aryz berýshi áiel tanys qyzdyń WhatsApp messendjeri arqyly tabys tabý úshin «qarjy piramidasy» siiaqty jobaǵa aqshalai qarajat quiýǵa shaqyrǵanyn málimdedi. Zardap shekken áieldiń aitýynsha, alaiaq áiel onyń 300 myń teńgesin iemdengen. Aryz berýshi aqshany alaiaqtyń bank shotyna aýdarǵan», - dedi vedomstvodan.
Atalmysh fakti boiynsha Qylmystyq kodekstiń 2-bólimi 190-baby «Alaiaqtyq» boiynsha sotaldy tergeý bastaldy. Politsiia kúdiktini anyqtady. Ol 32 jastaǵy Kókshetaý qalasynyń turǵyny bolyp shyqty.
Qazirgi kezde zardap shekkender qatary anyqtaldy.
Politsiia turǵyndarǵa aqshasyn belgisiz kompaniialarǵa aýdarmaýyn suraidy.
