اقمولا وبلىسىندا الاياقتىق جاساعان دەگەن كٷدٸكپەن ەيەل ۇستالدى. ول WhatsApp ارقىلى «قارجى پيراميداسى» سيياقتى جوباعا اقشالاي قاراجات قۇيۋعا شاقىرعان, دەپ حابارلايدى "ۇلت اقپارات".
اقمولا وبلىسى پوليتسييا دەپارتامەنتٸ باسپاسٶز قىزمەتٸنٸڭ اقپاراتىنشا, كريمينالدىق پوليتسييا قىزمەتكەرلەرٸ كٶكشەتاۋدىڭ 59 جاستاعى تۇرعىنىنىڭ ارىزى بويىنشا بۇرىن جاسالعان قىلمىستى اشقان.
«ارىز بەرۋشٸ ەيەل تانىس قىزدىڭ WhatsApp مەسسەندجەرٸ ارقىلى تابىس تابۋ ٷشٸن «قارجى پيراميداسى» سيياقتى جوباعا اقشالاي قاراجات قۇيۋعا شاقىرعانىن مەلٸمدەدٸ. زارداپ شەككەن ەيەلدٸڭ ايتۋىنشا, الاياق ەيەل ونىڭ 300 مىڭ تەڭگەسٸن يەمدەنگەن. ارىز بەرۋشٸ اقشانى الاياقتىڭ بانك شوتىنا اۋدارعان», - دەدٸ ۆەدومستۆودان.
اتالمىش فاكتٸ بويىنشا قىلمىستىق كودەكستٸڭ 2-بٶلٸمٸ 190-بابى «الاياقتىق» بويىنشا سوتالدى تەرگەۋ باستالدى. پوليتسييا كٷدٸكتٸنٸ انىقتادى. ول 32 جاستاعى كٶكشەتاۋ قالاسىنىڭ تۇرعىنى بولىپ شىقتى.
قازٸرگٸ كەزدە زارداپ شەككەندەر قاتارى انىقتالدى.
پوليتسييا تۇرعىندارعا اقشاسىن بەلگٸسٸز كومپانييالارعا اۋدارماۋىن سۇرايدى.
