Aqmola oblysy ákimi Ermek Marjyqpaevtyń ókimimen jáne qalalyq máslihat depýtattary kelisiminiń negizinde Amangeldi Halaýdenuly Smaiylov Kókshetaý qalasynyń ákimi bolyp taǵaiyndaldy.
Ol buǵan deiin Kókshetaý qalasy ákiminiń orynbasary qyzmetin atqarǵan bolatyn.
Aita ketsek, Amangeldi Halaýdenuly Smaiylov 1962 jylǵy 9 jeltoqsanda, Omby oblysy, Sharbaqkól aýdany, Myrzabolat aýylynda týdy. Injener-qurylysshy mamandyǵy boiynsha bilimi joǵary.
Eńbek qyzmetin 1979 jyly Aleksandrovskii qus sovhozynda elektromonter oqýshysy retinde bastaǵan.
1981 jyldan bastap 1983 jylǵa deiin KSRO MQK ShÁ qatarynda ótkizdi, 1983 jyldan bastap 1988 jylǵa deiin V.V.Kýibyshev atyndaǵy Sibir avtomobil-jol institýtynda oqydy.
1988-1993 jyldar aralyǵynda Omby-Dáýit karer basqarmasynda sheberden bastap bas injener laýazymyna deiingi joldy ótti, 1993-1998 jyldar arasynda «Ritm» JShS direktory, 1998-2005 jyldar aralyǵynda «Real NGP» JShS direktory, 2006 jyly «SK Aýyl gaz» JShS direktory laýazymyn atqardy, 2011 jyly «ENKI» JShS basqardy.
2014 jyldan bastap 2017 jylǵa deiin memlekettik qyzmette Kókshetaý qalasy ákimi orynbasarynyń, Aqmola oblysy qurylys basqarmasy basshysynyń laýazymyn atqardy.
Memlekettik nagradalary bar, sonyń ishinde «Qurmet» Ordeni (2012 jyl), sonymen qatar medaldarmen marapattalǵan.
