Kókshetaýda jaiaý júrginshiler ótkelinde jol-kólik oqiǵasy bolyp, tórt kámeletke tolmaǵan bala zardap shekti, dep habarlaidy ult.kz.
Oqiǵa 4 tamyz kúni bolǵan. Aldyn ala málimet boiynsha, Jetour markaly avtokóliktiń júrgizýshisi jaiaý júrginshilerge jol bermei, ótkelden ótip bara jatqan tórt balany qaǵyp ketken.
Saldarynan balalar túrli dene jaraqatyn alyp, meditsinalyq mekemege jetkizilgen. Dárigerlerdiń tekserýinen keiin olardyń barlyǵy ambýlatoriialyq em alýǵa jiberilip, úilerine qaitaryldy.
Politsiia júrgizýshige qatysty jaiaý júrginshilerge jol bermeý deregi boiynsha ákimshilik hattama toltyrǵan. Al zardap shekken balalardyń ata-analary júrgizýshige qatysty aryz-shaǵym túsirmegen.
Áleýmettik jelilerde taraǵan aqparatqa sáikes, kólik tizgininde áiel adam bolǵany aitylady. Alaida bul aqparatqa qatysty resmi organdar ázirge túsinikteme bergen joq.
