Kókshetaýda 23 jastaǵy turǵyn psihotropty dári-dármekterdi zańsyz satqany úshin 7 jylǵa bas bostandyǵynan aiyryldy, dep habarlaidy ult.kz.
Sot málimetinshe, boijetken 2024 jyldyń kúzinen bastap internet arqyly dári-dármekterdi iri kólemde satyp alyp, tanystaryna satqan. Bul preparattar táýeldilik týdyrýy múmkin jáne olardy tek dáriger retseptimen alýǵa ruqsat etiledi.
Politseiler onyń úiin tintý kezinde dári-dármekterdi jáne olardy satý týraly áleýetti satyp alýshylarmen hat-habarlardy tárkilegen.
Sotta kýágerler onyń zańsyz saýdamen ainalysqanyn rastady. Buǵan deiin elektrondy temeki satqan boijetken keiin psihotropty preparattardy ótkizýge kóshken.
Sot ony kináli dep tanyp, ortasha qaýipsizdik mekemesinde 7 jyl jazasyn óteýge úkim shyǵardy. Sonymen qatar, oǵan meditsinalyq sipattaǵy májbúrleý sharasy taǵaiyndaldy.
