5-shi Dúniejúzilik kóshpendiler oiyndarynda Kókpardan finaldyq oiyn ótip, Qazaqstan quramasy Qyrǵyzstan komandasyn 5:4 esebimen jeńip, altyn júldege ie boldy, dep habarlaidy "Ult Aqparat" QR Týrizm jáne sport ministrligi, «Ulttyq jáne at sport túrleri ortalyǵynyń» baspasóz qyzmetine silteme jasap.
Alǵashqy taimda 1:3 esebimen Qyrǵyzstan quramasy alǵa shyqty. Ekinshi taimda esep teńesip, 4:4 esebimen aiaqtaldy. Úzilsten keiin «altyn salym» salýǵa 10 minýt ýaqyt berilip, sheshýshi salymdy qazaqstandyq kókparshy saldy. Tartysqa toly báseke 5:4 esebimen aiaqtalyp, qazaqstandyq kókparshylar Dúniejúzilik kóshpendiler oiyndarynyń altyn júldesine ie boldy.
«Kóshpendiler oiyndarynyń oqý-jattyǵý jiynyn jyl basynda bastadyq. Eldi qýantamyz degen maqsatymyz bolǵan edi. Qyrǵyz aǵaiyndarmen kezdesý qiyn bolady degen edim. Rasynda solai boldy. Dese de el namysyn qoldan bermei, úmitti aqtadyq», – dedi kókpardan ulttyq quramanyń bas bapkeri Aqylbai Mankeev.
