Ǵalymdar jańa zertteý nátijesinde aptasyna úsh ret kók shai ishý júrek-qantamyr aýrýlarynan bolatyn ólim qaýpin tómendetip, uzaq ómir súrýge áser etedi degen toqtamǵa keldi, dep jazady "Ult aqparat" CNN resýrsyna silteme jasap.
Qytai ǵalymdarynyń aitýynsha, qara shaidan góri kók shaidyń densaýlyqqa paidasy mol. Zertteýge 100 902 adam qatysqan jáne olar jeti jyl boiy baqylaýda bolǵan. Zertteý nátijesinde kók shai ishetinderde júrek aýrýy men insýlt qaýpi 20 paiyzǵa tómen bolǵan.
Qytaidyń júrek-qantamyr aýrýlary ulttyq ortalyǵynyń, Beijiń meditsina kolledjiniń, Qytai meditsina ǵylymynyń akademiiasy birlesip júrgizgen zertteýde 50-den asqan shai ishpeitin adamdar shai ishetinderge qaraǵanda 1,6 jasqa az ómir súretini anyqtalǵan.
Ǵalymdardyń aitýynsha, kók shai júrek-qantamyr aýrýlarynan qorǵaidy. Al qara shai kók shai siiaqty óńdelmeitindikten, onyń tiimdiligi tómen.
