Almatydaǵy Kók bazardyń bas direktory Ardaq Aitbaev jalǵa alý aqysy úsh esege ósedi degen aqparatqa qatysty pikir bildirdi, - dep habarlaidy Tengrinews.kz tilshisi.
"Kók bazardyń ákimshiligi sharttyq mindettemelerdi buzyp, saýda oryndaryn qymbatqa jalǵa beretinderdi anyqtaý boiynsha jumys júrgizip jatyr. Sonymen qatar, jalǵa alý tarifterin kóterý josparda joq.
"Kók bazar saýda bazarynyń ákimshiligi sharttyq mindettemeler men zań sheńberinde árbir isti jeke qaraidy, árbir jeke jaǵdaidy jan-jaqty tekseredi. Biz zańdy túrde jumys isteitin árbir adal jalǵa alýshynyń quqyqtary men múddelerin qorǵaimyz.
Osylaisha, ákimshilik kásipkerlerdiń qyzmetin ashyq baǵytqa baǵyttap, sol arqyly barlyq taraptardyń teń yntymaqtastyǵy úshin tiisti jaǵdailardy qamtamasyz etýdi maqsat etedi", - delingen habarlamada.
Eske salaiyq, Almatyda Kók bazardyń 200-ge jýyq satýshysy jalǵa alyp otyrǵan oryndarynyń úsh ese qymbattaýyna bailanysty narazylyǵyn bildirgen bolaty.
Catýshylardyń sózinshe, buǵan deiin olar sharshy metrine bes myń teńge tólegen bolsa, endi bul soma 15 myń teńgege kóterilip ketken. Bazar ákimshiligi jańa ereje 1 qarashadan bastap kúshine enetinin aitypty-mys.
