الماتىداعى كٶك بازاردىڭ باس ديرەكتورى ارداق ايتباەۆ جالعا الۋ اقىسى ٷش ەسەگە ٶسەدٸ دەگەن اقپاراتقا قاتىستى پٸكٸر بٸلدٸردٸ, - دەپ حابارلايدى Tengrinews.kz تٸلشٸسٸ.
"كٶك بازاردىڭ ەكٸمشٸلٸگٸ شارتتىق مٸندەتتەمەلەردٸ بۇزىپ, ساۋدا ورىندارىن قىمباتقا جالعا بەرەتٸندەردٸ انىقتاۋ بويىنشا جۇمىس جٷرگٸزٸپ جاتىر. سونىمەن قاتار, جالعا الۋ تاريفتەرٸن كٶتەرۋ جوسپاردا جوق.
"كٶك بازار ساۋدا بازارىنىڭ ەكٸمشٸلٸگٸ شارتتىق مٸندەتتەمەلەر مەن زاڭ شەڭبەرٸندە ەربٸر ٸستٸ جەكە قارايدى, ەربٸر جەكە جاعدايدى جان-جاقتى تەكسەرەدٸ. بٸز زاڭدى تٷردە جۇمىس ٸستەيتٸن ەربٸر ادال جالعا الۋشىنىڭ قۇقىقتارى مەن مٷددەلەرٸن قورعايمىز.
وسىلايشا, ەكٸمشٸلٸك كەسٸپكەرلەردٸڭ قىزمەتٸن اشىق باعىتقا باعىتتاپ, سول ارقىلى بارلىق تاراپتاردىڭ تەڭ ىنتىماقتاستىعى ٷشٸن تيٸستٸ جاعدايلاردى قامتاماسىز ەتۋدٸ ماقسات ەتەدٸ", - دەلٸنگەن حابارلامادا.
ەسكە سالايىق, الماتىدا كٶك بازاردىڭ 200-گە جۋىق ساتۋشىسى جالعا الىپ وتىرعان ورىندارىنىڭ ٷش ەسە قىمباتتاۋىنا بايلانىستى نارازىلىعىن بٸلدٸرگەن بولاتى.
Cاتۋشىلاردىڭ سٶزٸنشە, بۇعان دەيٸن ولار شارشى مەترٸنە بەس مىڭ تەڭگە تٶلەگەن بولسا, ەندٸ بۇل سوما 15 مىڭ تەڭگەگە كٶتەرٸلٸپ كەتكەن. بازار ەكٸمشٸلٸگٸ جاڭا ەرەجە 1 قاراشادان باستاپ كٷشٸنە ەنەتٸنٸن ايتىپتى-مىس.
