Foto: ashyq derekkóz
Májilis Memleket basshysynyń tapsyrmasy boiynsha ázirlengen «Quqyqbuzýshylyq profilaktikasy týraly» jańa zańdy ekinshi oqylymda qabyldady, dep habarlaidy Ult.kz.
Zańda quqyqbuzýshylyq profilaktikasy júiesi keńeitilip, profilaktika sýbektileriniń sany 13-ten 26-ǵa deiin artady. Oǵan otbasyn qoldaý ortalyqtary, mobildi toptar, qamqorshylyq organdary, BAQ, jastar isi jónindegi ortalyqtar, ýákiletti organdar jáne kásipkerler kiredi.
Sonymen qatar profilaktika modeliniń ózi qaita qaralady. Endi oǵan jalpy, jeke jáne arnaiy sharalar engiziledi.
Ákimshilik quqyqbuzýshylyq týraly kodekske engizilgen túzetýlerde qoǵamdyq oryndarda betti jaýyp turatyn, tanýǵa kedergi keltiretin kiim (niqab) kigeni úshin ákimshilik jaza qarastyrylǵan. Quqyqbuzýshylyq úshin birinshi ret eskertý jasalady, qaitalanǵan jaǵdaida 10 AEK kóleminde aiyppul salynady.
Zańǵa qaishy kontentti jariialaǵandar men taratqandarǵa, sondai-aq memlekettik organdardyń buzýshylyqtardyń sebebin joiý týraly nusqaýlaryn qasaqana oryndamaǵandarǵa qatysty jaýapkershilik engiziledi.
Tabiǵi jáne tehnogendik tótenshe jaǵdailardyń aldyn alý boiynsha azamattyq qorǵanys sharalaryn oryndamaǵany úshin memlekettik laýazymdy tulǵalar men jergilikti bilik organdaryna jańa jaýapkershilik túrlerin kózdeitin túzetýler engizildi. Endi Tótenshe jaǵdailar ministrligi mundai adamdardy jaýapkershilikke tartýǵa quqyly.
