17 tamyzdan bastap qoǵamdyq kólikter júre bastaidy, dep habarlaidy "Ult aqparat".
2020 jylǵy 17 tamyzdan bastap ashyq aýada jeke jáne toptyq jattyǵýlar jasaýǵa (5 adamnan artyq emes) jáne ulttyq qurama, klýb komandalary úshin sporttyq jattyǵýlar jasaýǵa (30 adamnan artyq emes, sport bazalarynda turý, epidemiiaǵa qarsy sharalardy jáne aldyn alý sharalaryn saqtaý) ruqsat etiledi.
Sondai-aq, biylǵy 17 tamyzdan bastap qoǵamdyq kólikter sońǵy aialdamada dezinfektsiialaý men jeldetýdi qamtamasyz etýmen, otyrǵyzý oryndarynyń tolýyna qarai júre bastaidy.
Búgin Premer-Ministri Asqar Maminniń tóraǵalyǵymen ótken memlekettik komissiia otyrysynda qalyptasqan epidemiologiialyq jaǵdaidy eskere otyryp, Karantin sharalaryn kezeń-kezeńimen alyp tastaý jospary qaraldy.
Eske salsaq, Qazaqstanda shilde aiynyń ortasynda eki aptaǵa sozylatyn karantin engizilgen bolatyn. 29 shildede Memleket basshysy Qasym-Jomart Toqaev epidemiologiialyq ahýaldy turaqtandyrý jóninde keńes ótkizip, karantin sharalaryn taǵy eki aptaǵa uzartýdy tapsyrǵan edi. QR Premer-Ministriniń orynbasary Eraly Toǵjanovtyń tóraǵalyǵymen ótken vedomstvoaralyq komissiia Prezident tapsyrmalaryn erekshe baqylaýǵa aldy.
Eki aptaǵa sozylǵan karantinge bailanysty tólem mindetti túrde júrgiziledi. Alaida, burynǵy somanyń jartysy, iaǵni 42 500 teńgeniń jartysy – 21 250teńgeden beriledi. Bul qarjyny qazaqstandyqtar avtomatty túrde alady.
