Oblystar arasyndaǵy kólik qatynasyna qatysty shekteýler qala beredi.
Bul týraly Memleket basshysy Qasym-Jomart Toqaev Tótenshe jaǵdai rejimin qamtamasyz etý jónindegi memlekettik komissiianyń otyrysynda málim etti, dep habarlaidy "Ult aqparat".
Búginde kóptegen salanyń qyzmeti qalpyna kele bastaǵanyna toqtalǵan Prezident: «Qazirdiń ózinde 1 million 100 myńnan astam azamat jumysqa shyqty. Búginnen bastap elimiz boiynsha dúkenderdiń birazy ashylady, sán salondarynyń, bilim ortalyqtarynyń, taǵy basqa nysandardyń qyzmeti qaita jandanady. Saiabaqtar ashylady. Jolaýshylarǵa arnalǵan áýe tasymalynyń jumysy qalpyna keledi. Buǵan deiin 6 qalanyń áýejaiy ashylǵan bolatyn. Endi oǵan taǵy 7 qala qosylady. Kóptegen shekteýler alynyp tastaldy», - dedi.
Osy oraida Memleket basshysy kúndelikti ómirde saqtyq sharalaryn qatań ustaný kerektigin atap ótti.
«Úkimet jańa sanitarlyq erejelerdi daiyndap, engizýi qajet. Shaǵyn, orta, iri kompaniialar jańa erejelerge sáikes jumys isteýi kerek. Áleýmettik ara qashyqtyqty saqtaý, kópshilik jinalǵan jerde betperde taǵyp júrý qalypty jaǵdaiǵa ainalýǵa tiis. Oblystar arasyndaǵy kólik qatynasyna qatysty shekteýler qala beredi. Qoǵamdyq kólikter jartylai júktememen jumys isteidi. Jolaýshylardan betperde taǵý talap etiledi. Kóshede toptasyp júretinder 3 adamnan aspaýy kerek». – dedi Qasym-Jomart Toqaev.
