Qoǵamdyq keńesterdiń is júzinde eshqandai ókilettigi joq. Bul týraly saiasattanýshy, Almaty qoǵamdyq keńesiniń múshesi Marat Shibutov málim etti, dep habarlaidy QazAqparat.
«Qoǵamdyq keńester memlekettik organdardan qajetti aqparatty ala almaidy. Bizge dáleldi jáne naqty jaýap kerek. Bul rette memlekettik organdardyń jaýapkershiligi joq. Sonyń saldarynan keide qoǵamdyq tyńdaýlar men esep berý jiyny ótpeidi nemese keiinge shegeriledi. Qoǵamdyq keńesterdiń is júzinde eshqandai ókilettigi joq», - deidi saiasattanýshy.
Marat Shibutov vedomstvoaralyq jumys tobyn qurý qajet dep sanaidy.
«Bizge jeke qabyldaý, mysaly, etika keńesine suraq qoiý siiaqty quraldar qajet. Ákimniń buiryǵymen vedomstvoaralyq jumys toby qurylýy kerek. Bizde ondai eshteńe joq. Is júzinde tek hat almasý tásili máseleni sheshpeidi. Bizge júktelgen jaýapkershilikti oryndaý úshin ókilettikter de qajet», - dedi Marat Shibýtov óz sózinde.
