2020 jyly qoǵamdyq kelisim keńesiniń qurylǵanyna jeti jyl toldy. Qazaqstan halqy Assambleiasynyń HH sezinde 2013 jyldyń sońyna deiin respýblika oblystary men astana jáne Almatyda keńesterin qurý mindeti júkteldi. Qazaqstan halqy Assambleiasynyń «Qazaqstan-2050» strategiiasy: bir halyq – bir el – bir taǵdyr» degen XH sessiiasynda Elbasy Nursultan Nazarbaev halyqtyń Qoǵamdyq kelisim men jalpyulttyq birlikti nyǵaitý isine qatysýyn kúsheitý mindetin qoidy. Sodan beri kelisim keńesi qarqyndy jumys istep kele jatyr. Bul týraly «Ult» portaly habarlaidy.
Bastapqyda keńester Qazaqstan halqy Assambleiasynyń janynda óńirlik ákimdikterdegi konsýltativtik-keńesshi organdar retinde quryldy. Basty maqsaty – qoǵamdyq kelisimdi, jalpy ulttyq birlikti nyǵaitý.
Qazaqstan halqy Assambleiasy Qoǵamdyq kelisim keńesteri el ishindegi mańyzdy máselelerdi talqylap, syndarly sheshim qabyldaýǵa arnalǵan dialog alańy. Assambleianyń resmi saitynyń málimetine sáikes, Qazaqstanda 2 786 qoǵamdyq kelisim keńesi jumys istep tur. Onyń ishinde oblystyq deńgeidi 14 keńes bar bolsa, astana men Almatyda bir-bir keńes bar. Sonymen qatar qalalyq deńgeidi 41 keńes jumys istep tur. Aýdandyq deńgeide 169, aýyldarda 2 426 qoǵamdyq keńes bar. Al kásiporyndyq deńgeide Qazaqstan halqy Assambleiasy janynda 134 Qoǵamdyq kelisim keńesi iske qosylǵan.
Al respýblika boiynsha qoǵamdyq keńestiń 25 myńnan asa múshesi bar. Assambleianyń, onyń ishinde qoǵamdyq keńestiń basty mindeti – qoǵamdyq kelisim men turaqtylyqty, elimizde ómir súrip jatqan ulttardyń arasyndaǵy qatynas boiynsha memlekettik jáne azamattyq qoǵam institýttarynyń ózara bailanysyn nyǵaita túsý.
Respýblikada keńes múshesi bolý úshin qiyn sharttar joq, barlyǵy ashyq túrde jáne erikti bolý arqyly júzege asyrylday. Keńesti qurý barysynda kandidattardyń sol óńirde nemese belgili bir aimaqta qoǵamdyq tatýlyqty, birlikti nyǵaitýǵa, nasihattaýǵa bailanysty atqarǵan isteri eskeriledi.
Qazaqstan halqy Assambleiasynyń qoǵamdyq kelisim keńesteri birneshe mindetti atqarady. Onyń ishinde elde bolyp jatqan jaǵdaidy taldaý, óńirlerdegi áleýmettik máseleler men qaqtyǵys, janjaldyń aldyn alyp, qandai da bir keleńsizdikti sheshý boiynsha usynystar ázirleidi. Sonymen qatar ultaralyq turaqtylyqty, qoǵamdyq kelisim men ulttyq birlikti nyǵaitý, memlekettik organ men qoǵamdyq institýttar arasyndaǵy bailanysty jetildirý boiynsha jumys atqaryp, naqty usynystar usynady
Qoǵamdyq kelisim keńesteriniń atqaratyn mindeti aiasyna azamattyq belsendilik, qoǵamdyq bastama men qoǵam men áleýmet, óńir men aimaq úshin mańyzdy jobalardy, baǵdarlamalardy qoldaý kiredi. Sondai-aq, kelisim keńesi kásipodaq, ardagerler men jastar birlestigin, ózge de qoǵamdyq uiymdardy, qoǵamdyq odaqtardy, onyń ishinde ulttyq yntyma pen tatýlyqty, memleket saiasatyn nasihattap, ony júzege asyrý fýnktsiiasy kiredi. Qoǵamdyq kelisim keńesi qandai da bir daýdy, keleńsizdik pen qaqtyǵys, kelispeýshilikti sheshedi jáne áleýmettik shielenis kóziniń paida bolýyn boldyrmaý úshin jumys isteidi. Sonymen qatar qoǵamdyq tynyshtyq úshin qyzmet etedi.
Qoǵamdyq keńesterdiń quqyqtyq mártebesi, onyń qyzmetin qalyptastyrý jáne uiymdastyrý tártibi Qazaqstan respýblikasynyń «Qoǵamdyq keńester týraly» Zańynda aitylǵan.
Sonymen qatar keńesti tóraǵa basqarady. Ony quryltai jinalysynda basqa músheler sailaidy.
Qazaqstan halqy Assambleiasy jyl saiyn tóraǵa orynbasarynyń basshylyǵymen keńester forýmyn ótkizedi. Oǵan májilis depýtattary qatysady.
