Aqparat jáne qoǵamdyq damý ministri Aida Balaeva qoǵamdyq baqylaý júrgizetin uiymdardyń tizimin keńeitý kerektigin aitty, dep habarlaidy QazAqparat.
«Pandemiia kezinde qoǵamdyq baqylaý institýtynyń qanshalyqty mańyzdy ekenine kózimiz jetti. Qazirgi tańda qoǵamdyq baqylaý fýnktsiiasyna qoǵamdyq keńester ie. Alaida ýaqyttyń ózi bul fýnktsiiaǵa ie uiymdardyń tizimin keńeitý kerektigin kórsetip otyr. Sebebi bizdiń Aqparat jáne qoǵamdyq damý ministrligi qoǵamdyq baqylaý fýnktsiiasyn mindetine alǵan belsendilerdiń jumysynyń úilestirýshisi boldy. Dárihanadardaǵy dári-dármek baǵasynyń ala-qulalyǵy, gýmanitarlyq kómekti bólý máselesi, meditsinalyq uiymdardyń jumysyna qatysty qanshama másele týyndaǵanyn bilesizder. Mine osy rette biz belsendilerge qoldaý bildirdik», - dedi Aida Balaeva Prezidenttik kadrlyq rezervtegi jastarmen kezdesý barysynda.
Ministr óziniń keńesshisi Lima Dias osy jumystardyń úilestirýshisi bolǵanyn, búginge deiin búkil respýblikadaǵy 300-ge tarta belsendi azamat jumys júrgizgenin aitady.
«Belsendi azamattar dári-dármek baǵasynyń turaqtylyǵy, gýmanitarlyq kómekti bólý, meditsinalyq uiymdardyń jumysy sekildi úsh máseleni nazarǵa alǵan edi. Qoǵamdyq baqylaýdyń arqasynda osy baǵyttaǵy jumysty turaqtandyrýǵa múmkindik aldyq», - dedi ol.
Eske sala ketsek búgin elordada Prezidenttik kadrlyq rezervtegi jastar birqatar ministrmen kezdesý ótkizdi. Naqtyraq aitqanda iriktelip, rezervke engen jastarmen kezdesýge Aqparat jáne qoǵamdyq damý ministri Aida Balaeva, Tsifrlyq damý, innovatsiialar men aeroǵarysh ónerkásibi ministri Baǵdat Mýsin, Prezident ákimshiligi basshysynyń orynbasary Málik Myrzalin, sondai Prezidenttiń kómekshisi Erlan Qarin shaqyrylǵan. Basqosýdyń basty maqsaty – Prezident Joldaýyn talqylap, aldaǵy ýaqytta Prezidenttik jastar kadrlyq rezervin damytyp, júzege asyrýdy josparlaý.
