1 qyrkúiekte Aqparattyq jáne qoǵamdyq damý ministrliginiń qoldaýymen qurylǵan «Qoǵamdyq baqylaý» toby sanitarlyq talaptarǵa sáikestigin tekserý maqsatynda bazarlardy, saiabaqtardy, mektepterdi, akvaparkterdi aralady. Olardyń aitýynsha, tamaq satatyn shaǵyn oryndarda kelýshiler arasyndaǵy qashyqtyq saqtaý normalary múldem oryndalmaǵan, dep habarlaidy QazAqparat.
Qoǵamdyq baqylaý músheleriniń aitýynsha, 1 qyrkúiektde Qyzylorda qalasyndaǵy Eski bazar aýmaǵynda ornalasqan obektilerge monitoring uiymdastyryldy. Toptyń quramyna Qoǵamdyq baqylaý, sanitarlyq-epidemiologiialyq qyzmet, ishki saiasat basqarmasy, kásipkerler palatasy, aimaqtyq jáne jergilikti BAQ ókilderi kirdi. Saýda ortalyqtarynda maska taǵý rejimi tolyq saqtalyp («Jaina» jabyq bazary), kúzetshiler kire beriste turǵan. Saýda oryndarynda sanitaizerler ornatylǵan jáne satýshylar maska taǵyp, meditsinalyq qolǵappen jumys isteýde.
«Biraq kóshe bazaryndaǵy jaǵdai máz emes. Ásirese, tamaq ónimderin satatyn shaǵyn oryndarda kelýshiler arasyndaǵy qashyqtyq múlde saqtalmaǵan. Maska bolsa da iek tusyna ǵana taǵylǵan, bul óreskel buzýshylyq bolyp sanalady. Saýda núkteleriniń ieleri sanitarlyq normalardy saqtaýǵa tyrysqanymen, qoǵamdyq oryndarǵa kelýshiler maska rejimin óreskel buzatyndyǵyn atap ótkimiz keledi. Olar túsindirý júrgizgen kezde agressivti áreket etedi, tipti qol jumsap jibergen jaǵdaida boldy», - deidi «Qoǵamdyq baqylaý» toby.
Taraz ben Kókshetaýdaǵy qalalyq saiabaqta, Býrabaidaǵy akvoparke maska taǵý rejimi men áleýmettik qashyqtyq saqtaý rejimi saqtalmaǵan.
Sodan keiin Qoǵamdyq baqylaý Shýchinsk qalasyndaǵy 12 mekteptiń 8-ine baqylaý júrgizdi. Tekserilgen mektepter sanitarlyq normalarǵa tolyq sáikes keledi: mektep kireberisterinde jáne ár kabinette sanitaizer ornatylǵan, mektep qyzmetkerlerinde maska men meditsinalyq qolǵap bar, al meditsinalyq qyzmetker dene qyzýyn tekserý úshin kireberiste kezekshilik etedi. Sabaqtar oqý jylyna tolyǵymen daiyn: parta men oryndyqtar áleýmettik araqashyqtyq normalaryna sáikes bólingen, al keibir mektepterde kvarts shamdary bar. Oqýshylardyń tyǵyzdyǵy men olardyń aralasýyn boldyrmaý úshin ár synypta bira ýaqyttan keiin úzilis bolyp turady.
