Atyraý oblystyq qoǵamdyq baqylaý toby saýda ortalyqtaryn, azyq-túlik dúkenderin, dámhanalar men dárihanalardy jáne bazarlardy tekserip shyqty, dep habarlaidy "Ult aqparat".
Top músheleriniń aitýynsha, Atyraý qalasyndaǵy kúndelikti adam kóp jinalatyn áleýmettik nysandarda áleýmettik araqashyqtyq saqtalmaidy.
Kelýshilerdiń kópshiligi maska taqpaidy. Máselen, «Atyraý», «Tamasha», «Rahat» saýda ortalyqtarynyń kire berisinde kelýshilerdiń maska taǵýy qadaǵalanyp, dene qyzýy ólshenedi.
Alaida saýda dúńgirshekterinde satyp alýshylar men satýshylar maskasyz sóilesip, áleýmettik araqashyqtyqty saqtamaidy.
«Qoǵamdyq baqylaý músheleri 15 azyq-túlik dúkeni men 2 bazardy tekserip shyqty. Shaǵyn azyq-túlik dúkenderi men bazarlar karantin talaptary men qarapaiym sanitarlyq erejelerdi saqtaýdy qoiǵan. Áýejaida da áleýmettik araqashyqtyq saqtalmai otyr. Karantin talaptary tek jolaýshylar avtobýsynda ǵana qatań saqtalady», - delingen qoǵamdyq baqylaý toby taratqan aqparatta.
