Memleket basshysy Qasym-Jomart Toqaevtyń atynan Aqparat jáne qoǵamdyq damý ministri Aida Balaeva Qazaqstan Respýblikasynyń Diabettik aǵartý qorynyń atqarýshy direktory Natalia Týkalevskaiaǵa «Qurmet» ordenin tabystady. Marapattaý rásimi ministrdiń Almatyǵa jumys sapary kezinde ótti, dep habarlady AQDM baspasóz qyzmeti.
Qurmetti Natalia Nikolaevna, men úshin bul ordendi Qazaqstan Táýelsizdigine 30 jyl tolý jylynda tapsyrý úlken mártebe. Siz uzaq jyldar boiy Qazaqstandaǵy úkimettik emes uiymdardyń qalyptasýy men damýyna orasan zor úles qosyp kele jatqan adamsyz. Diabetikalyq aǵartýdaǵy mańyzdy jobalardyń avtory men qoǵamdyq birlestiktiń jetekshisi retinde sizdiń áleýmettik máselelerdi sheshýdegi eńbegińiz barshaǵa úlgi. Sondyqtan, bul marapat janqiiarlyq eńbek pen tańdaǵan iske degen adaldyqtyń, adamdardyń igiligi úshin adal jumysyńyzǵa degen baǵanyń belgisi bolyp tabylady, - dedi Balaeva.
Ministr Prezidenttiń qoǵamdyq uiymdardyń rólin, olardyń memleket pen azamattyq qoǵamnyń ózara árekettesýin damytýǵa qosqan úlesin joǵary baǵalaityndyǵyn basa aitty.
Eske sala keteiik, Natalia Týkalevskaia - ult densaýlyǵyn saqtaý saiasatyn júzege asyrýǵa belsendi yqpal etetin, qant diabetimen bailanysty bilim berý máselelerimen ainalysatyn jáne qalanyń qoǵamdyq ómirine belsendi qatysatyn qoǵam qairatkeri.
