Elimizdiń aldaǵy jyldarǵa arnalǵan strategiialyq damý josparynda memleket basshysy Qasym-Jomart Toqaev eńbektiń asa mańyzdy ekendigin atap ótti. Prezident pandemiia kezeńinde eńbek etken otandastardyń is-áreketin erlik dep atady.
«Bizdiń qoǵam eńbek qundylyqtaryna degen kózqarasty ózgertýi kerek. Jas býynǵa eńbekti baǵalaýdy, ony abyroily jáne abyroily emes dep bólmeýdi úiretkenimiz jón», - dedi Prezident qazaqstandyqtarǵa.
Bul rette alǵashqylardyń biri bolyr volonterler is-qimylǵa kóshti. Ortalyq kommýnikatsiialar qyzmetinde ótken brifingte olar «Ashyq júrek» jańa jobasynyń bastalǵanyn jariia etip, jyl sońyna deiin volonterler qataryn 3 ese ulǵaitý boiynsha josparlarymen bólisti.
«Prezident óz Joldaýynda eńbek qundylyǵy týraly aitty. Volonterlik eńbek - osynyń aiqyn dáleli. Biz «bedeldi» jáne «bedelsiz» dep bólmeimiz. Qasym-Jomart Kemeluly osy jaily aitty. Jastar ońai aqsha tabý jolyna túsedi, tez aqsha tabýdy qalaidy. Biraq qazir mundai ýaqyt emes. Qazir biz óskeleń urpaqqa beretin irgeli bilim, qundylyqtar, tájiribe ýaqyty. Meni tań qaldyratyn óte mańyzdy bir nárse, men Prezidentpen tolyq kelisemin, bul «jaýapty memleket – jaýapty qoǵam – jaýapty adam» tizbegi. Bizdiń túsinigimizdegi jaýapty adam - patriot. Qasym-Jomart Toqaev aitqandai, «patriot – ol volonter». Sebebi volonter ózin ǵana emes, ainalasyndaǵylardy, elin oilaidy. Ziianyn tigizbeidi, kómektesedi. Jaýapkershilikti memleketpen bólisedi jáne ony basqaǵa júktemeidi. Sondyqtan «Ashyq júrek» siiaqty jobalar jaýapkershilikti óz moinyna alatyn júieli jastardy, kóshbasshylardy, patriottardy qoldaityn bolady. Biz Joldaýdy júzege asyrýǵa sózben ǵana emes, ispen de kirisip kettik», - dep atap ótti Qazaqstan Volonterler ligasynyń tóraiymy Aisulý Erniiazova.
Sondai-aq, spiker Toqaevtyń reformalardyń sátti júrgizilýi birlikke, patriotizmge jáne búkil qoǵamnyń azamattyq jaýapkershiligine tikelei bailanysty ekendigi týraly sózderin eske salyp ótti.
