Foto: ashyq derekkóz
Qarjylyq monitoring agenttigi (QMA) azamattar arasynda alaiaqtyqtyń jańa túrleri kóbeiip bara jatqanyn habarlady, dep habarlaidy Ult.kz.
Alaiaqtar oqý oryndary men memlekettik mekemelerde tekseris júrgizilip jatqany týraly jalǵan habarlamalar taratyp, qujattardy talap etip, «yntymaqtastyqqa» shaqyrady. Senim uialatý úshin olar jalǵan mórler basylǵan, agenttiktiń logotipi qoiylǵan blankilerdi paidalanady.
Keiin ózin QMA qyzmetkeri retinde tanystyrǵan qaskóiler azamattarǵa habarlasyp, bank shottary týraly aqparatty aldap alýǵa tyrysady. Sondai-aq messendjerler arqyly «siz tekserilip jatqan tulǵalar tiziminde barsyz» dep habarlap, aqsha bopsalaý derekteri de tirkelgen.
Shaǵymdarda jii kezdesetin tekter: Myktybaev, Hamzin, Jalimov, Jalimbetov.
QMA resmi túrde málimdedi:
-
mundai tekserister júrgizilmeidi;
-
telefon arqyly jeke derekter suralmaidy;
-
azamattardan aqsha talap etilmeidi;
-
agenttik tek zań aiasynda ǵana áreket etedi.
Agenttik qazaqstandyqtardy alaiaqtarǵa aldanyp qalmaýǵa, kúmándi jaǵdai týyndasa 1458 Call-ortalyǵyna nemese +7 (727) 279-20-86 nómirine dereý habarlasýǵa shaqyrady.
