QR Qarjy ministrliginiń Memlekettik kirister komiteti Youtube jelisinde jáne túrli messendjerde taraǵan qosylǵan qun salyǵynyń ótemaqysy qaitarylatyny týraly videonyń jalǵan ekenin málimdedi, dep habarlaidy "Ult aqparat".
Aita keteiik, jańa jyldyń aldynda qazaqstandyqtar WhatsApp arqyly Youtube jelisinde jariialanǵan videony tarata bastady. «Soobshili novost» dep atalatyn rolikte «tax free» boiynsha qosarlanǵan qun salyǵynyń ótemaqysyn qaitarý tártibi jaiynda aitylady. Onymen 100 000 -1 500 000 teńgeniń ótemaqysyn alýǵa bolady-mys. Videoǵa sáikes, aldymen arnaiy saitqa ótý kerek. Odan keiin 5 myń teńgeniń kóleminde zańgerlerdiń aqysy tólenedi. Sońynda bank kartasynyń nómirin engizý arqyly ótemaqyny alýǵa bolady. Video avtorlary bul habarlamany respýblikalyq telearnalardyń biri efirde kórsetkendei etip montajdaǵan. Jyldyń aiaǵyna qarai bul videonyń jalpy qaralym sany 1 millionnan asyp ketken.
«Týyndaǵan suraqtardy nazarǵa ala otyryp, Memlekettik kirister komiteti bul aqparatty joqqa shyǵarady jáne bul - alaiaqtardyń áreketi ekendigine basa mán berýge shaqyrady. Eske sala keteiik, Qazaqstanda »tax free« júiesi bar. Biraq ol tek sheteldik týrister úshin Almatydaǵy »Esentai Mall« saýda ortalyǵynda ilki joba retinde qolǵa alynǵan. Oǵan sáikes, azyq-túlikke jatpaityn taýarlardyń qosarlanǵan qun salyǵy qaitarylady», - dep atap ótedi komitetten.
