Elordalyq «Barys» qurlyqtyq hokkei ligasynda búgin Ýfa qalasynyń komandasy «Salavat Iýlaevpen» kezdesti, dep habarlaidy "Ult aqparat".
Búgingi oiynda aidyn ieleri alǵash bolyp esep ashty. Kezdesýdiń 23-minýtynda Shakir Mýhamadýllin mergendik tanytsa, 32-minýtta Aleksandr Alekseev esepti ústemelei tústi.
Úshinshi kezeńde «Barys» sapynan Maksim Mýsorov 41, Darren Dits 48-minýtta gol soqty. Osylaisha tarazy basy teńesip, oiyn overtaimǵa ulasty. Overtaimda qazaqstandyq Roman Starchenko jeńis shaibasyn soqty. «Barys» qarsylasyn 3:2 esebimen jeńdi.
Eki komanda buǵan deiin 45 márte kezdesti. Onyń 19-y «Barystyń» jeńisimen aiaqtalsa, búgin ony 20-ǵa jetkizdi. Qalǵanynda reseilik klýbtyń mereii ústem boldy.
Biylǵy maýsymda «Barys» toǵyz kezdesý ótkizdi. Onyń úsheýinde jeńiske jetip, qalǵanynda qarsylastaryna ese jiberdi.
«Barys» endi 14 qazanda Resei astanasy – Máskeý qalasynda «Spartakpen» kezdesedi.
