ەلوردالىق «بارىس» قۇرلىقتىق حوككەي ليگاسىندا بٷگٸن ۋفا قالاسىنىڭ كومانداسى «سالاۆات يۋلاەۆپەن» كەزدەستٸ, دەپ حابارلايدى "ۇلت اقپارات".
بٷگٸنگٸ ويىندا ايدىن يەلەرٸ العاش بولىپ ەسەپ اشتى. كەزدەسۋدٸڭ 23-مينۋتىندا شاكير مۋحامادۋللين مەرگەندٸك تانىتسا, 32-مينۋتتا الەكساندر الەكسەەۆ ەسەپتٸ ٷستەمەلەي تٷستٸ.
ٷشٸنشٸ كەزەڭدە «بارىس» ساپىنان ماكسيم مۋسوروۆ 41, داررەن ديتس 48-مينۋتتا گول سوقتى. وسىلايشا تارازى باسى تەڭەسٸپ, ويىن وۆەرتايمعا ۇلاستى. وۆەرتايمدا قازاقستاندىق رومان ستارچەنكو جەڭٸس شايباسىن سوقتى. «بارىس» قارسىلاسىن 3:2 ەسەبٸمەن جەڭدٸ.
ەكٸ كوماندا بۇعان دەيٸن 45 مەرتە كەزدەستٸ. ونىڭ 19-ى «بارىستىڭ» جەڭٸسٸمەن اياقتالسا, بٷگٸن ونى 20-عا جەتكٸزدٸ. قالعانىندا رەسەيلٸك كلۋبتىڭ مەرەيٸ ٷستەم بولدى.
بيىلعى ماۋسىمدا «بارىس» توعىز كەزدەسۋ ٶتكٸزدٸ. ونىڭ ٷشەۋٸندە جەڭٸسكە جەتٸپ, قالعانىندا قارسىلاستارىنا ەسە جٸبەردٸ.
«بارىس» ەندٸ 14 قازاندا رەسەي استاناسى – مەسكەۋ قالاسىندا «سپارتاكپەن» كەزدەسەدٸ.
