«Barys» hokkei komandasy QHL-dyń turaqty chempionatynyń kezekti matchyn ótkizdi. Elordadaǵy arenada bizdiń komanda «Severstal» quramasyn qabyldady, dep habarlaidy Olympic.kz.
Qaqpany bul joly Ioni Ortio qorǵady. Denis Qarataev muz aidynyna shyǵyp, quramǵa Álihan Ásetov, Linýs Videll men Egor Shalapov oraldy.
Elordaǵa kelgen qonaqtar imenip te, tartynyp ta qalǵan joq. Alǵashqy 4 minýttyń ózinde eki ret shaiba salyp úlgerdi. Qarsylas komandadan Igor Geraskin men Adam Lishka komandasyn osylai órge súiredi. Alǵashqy kezeń aiaqtalǵanǵa deiin Lishka esep aiyrmasyn úshke deiin uzartty.
Qarsylas komandanyń basymdyǵyna «Barys» tek ekinshi kezeńde jaýap berdi. «Barys» sapyndaǵy Egor Petýhov belsendi qimyldap, «Severstal» komandasynyń qaqpasynan eki ret sańylaý tapty. Qalǵan ýaqytta urymtal sátter jii bolǵanymen esep osy kúiinde qaldy. Osylaisha, «Barys» 2:3 esebimen qonaqtarǵa ese jiberdi.
Aldaǵy ýaqytta «Barys» Ýfa-Máskeý-Qazan baǵdary boiynsha saparǵa shyǵady. «Salaýat Iýlaev» komandasymen match 12 qazanda ótedi.
«Barys» – Severstal – 2:3 (0:3, 2:0, 0:0)
0:1 Geraskin (Kapýstin) 00:27
0:2 Lishka (Iakovlev, Adamchýk) 03:06
0:3 Lishka (Morozov, Karimov) 11:27
1:3 Petýhov (Asetov, Svedberg) 30:29
2:3 Volk (Lilia, Bleker) 31:17
Qaqpashylar: Ortio – Shýgaev
