«بارىس» حوككەي كومانداسى قحل-دىڭ تۇراقتى چەمپيوناتىنىڭ كەزەكتٸ ماتچىن ٶتكٸزدٸ. ەلورداداعى ارەنادا بٸزدٸڭ كوماندا «سەۆەرستال» قۇراماسىن قابىلدادى, دەپ حابارلايدى وlympic.kz.
قاقپانى بۇل جولى يوني ورتيو قورعادى. دەنيس قاراتاەۆ مۇز ايدىنىنا شىعىپ, قۇرامعا ەليحان ەسەتوۆ, لينۋس ۆيدەلل مەن ەگور شالاپوۆ ورالدى.
ەلورداعا كەلگەن قوناقتار يمەنٸپ تە, تارتىنىپ تا قالعان جوق. العاشقى 4 مينۋتتىڭ ٶزٸندە ەكٸ رەت شايبا سالىپ ٷلگەردٸ. قارسىلاس كوماندادان يگور گەراسكين مەن ادام ليشكا كومانداسىن وسىلاي ٶرگە سٷيرەدٸ. العاشقى كەزەڭ اياقتالعانعا دەيٸن ليشكا ەسەپ ايىرماسىن ٷشكە دەيٸن ۇزارتتى.
قارسىلاس كوماندانىڭ باسىمدىعىنا «بارىس» تەك ەكٸنشٸ كەزەڭدە جاۋاپ بەردٸ. «بارىس» ساپىنداعى ەگور پەتۋحوۆ بەلسەندٸ قيمىلداپ, «سەۆەرستال» كومانداسىنىڭ قاقپاسىنان ەكٸ رەت ساڭىلاۋ تاپتى. قالعان ۋاقىتتا ۇرىمتال سەتتەر جيٸ بولعانىمەن ەسەپ وسى كٷيٸندە قالدى. وسىلايشا, «بارىس» 2:3 ەسەبٸمەن قوناقتارعا ەسە جٸبەردٸ.
الداعى ۋاقىتتا «بارىس» ۋفا-مەسكەۋ-قازان باعدارى بويىنشا ساپارعا شىعادى. «سالاۋات يۋلاەۆ» كومانداسىمەن ماتچ 12 قازاندا ٶتەدٸ.
«بارىس» – سەۆەرستال – 2:3 (0:3, 2:0, 0:0)
0:1 گەراسكين (كاپۋستين) 00:27
0:2 ليشكا (ياكوۆلەۆ, ادامچۋك) 03:06
0:3 ليشكا (موروزوۆ, كاريموۆ) 11:27
1:3 پەتۋحوۆ (اسەتوۆ, سۆەدبەرگ) 30:29
2:3 ۆولك (ليليا, بلەكەر) 31:17
قاقپاشىلار: ورتيو – شۋگاەۆ
