Elordalyq «Barys» qurlyqtyq hokkei ligasynda búgin Reseide Máskeýdiń «Spartak» komandasymen kezdesti, dep habarlaidy "Ult aqparat".
Oiyn barysy tartysty órbidi. Kezdesýdiń 3-minýtynda reseilik hokkeishi Sergei Shirokov esep ashty. Qos komanda shabýyl shebinde kóbirek boi kórsetti. Degenmen birinshi kezeńde tablodaǵy esep ózgerissiz qaldy.
«Barys» hokkeishileri ekinshi kezeńdi sátti bastady. Aldymen 21-minýtta Nikita Mihailis tarazy basyn teńestirdi. Al 23-minýtta Darren Dits elordalyq klýbty alǵa shyǵardy. Oiynnyń 25-minýtta «Spartak» sapynan Lýkash Radil mergendik tanytty.
Negizgi ýaqyt 2:2 esebimen teń aiaqtalyp, oiyn overtaimǵa ulasty. Overtaimda «Barys» sapynan Darren Dits jeńis shaibayn soqty.
Eki komanda buǵan deiin 22 márte kezdesti. Onyń 15-i «Barystyń» jeńisimen aiaqtalsa, qalǵanynda reseilik klýbtyń mereii ústem boldy.
Endi «Barys» 16 qazanda Reseidiń Qazan qalasynda «Ak Bars» komandasymen kezdesedi. Odan keiin 21 qazanda elordada Finliandiianyń «Iokerit» komandasyn qabyldaidy.
