ەلوردالىق «بارىس» قۇرلىقتىق حوككەي ليگاسىندا بٷگٸن رەسەيدە مەسكەۋدٸڭ «سپارتاك» كومانداسىمەن كەزدەستٸ, دەپ حابارلايدى "ۇلت اقپارات".
ويىن بارىسى تارتىستى ٶربٸدٸ. كەزدەسۋدٸڭ 3-مينۋتىندا رەسەيلٸك حوككەيشٸ سەرگەي شيروكوۆ ەسەپ اشتى. قوس كوماندا شابۋىل شەبٸندە كٶبٸرەك بوي كٶرسەتتٸ. دەگەنمەن بٸرٸنشٸ كەزەڭدە تابلوداعى ەسەپ ٶزگەرٸسسٸز قالدى.
«بارىس» حوككەيشٸلەرٸ ەكٸنشٸ كەزەڭدٸ سەتتٸ باستادى. الدىمەن 21-مينۋتتا نيكيتا ميحايليس تارازى باسىن تەڭەستٸردٸ. ال 23-مينۋتتا داررەن ديتس ەلوردالىق كلۋبتى العا شىعاردى. ويىننىڭ 25-مينۋتتا «سپارتاك» ساپىنان لۋكاش راديل مەرگەندٸك تانىتتى.
نەگٸزگٸ ۋاقىت 2:2 ەسەبٸمەن تەڭ اياقتالىپ, ويىن وۆەرتايمعا ۇلاستى. وۆەرتايمدا «بارىس» ساپىنان داررەن ديتس جەڭٸس شايباىن سوقتى.
ەكٸ كوماندا بۇعان دەيٸن 22 مەرتە كەزدەستٸ. ونىڭ 15-ٸ «بارىستىڭ» جەڭٸسٸمەن اياقتالسا, قالعانىندا رەسەيلٸك كلۋبتىڭ مەرەيٸ ٷستەم بولدى.
ەندٸ «بارىس» 16 قازاندا رەسەيدٸڭ قازان قالاسىندا «اك بارس» كومانداسىمەن كەزدەسەدٸ. ودان كەيٸن 21 قازاندا ەلوردادا فينلياندييانىڭ «يوكەريت» كومانداسىن قابىلدايدى.
