Elordalyq «Barys» jańa maýsymdaǵy qurlyqtyq hokkei ligasynyń alǵashqy tórt oiynyn óz aidynynda ótkizedi.
Bul jóninde klýbtyń baspasóz qyzmeti málim etti.
Qazaqstandyq klýb alǵashqy kezdesýinde 3 qyrkúiekte Reseidiń «Salavat Iýlaevyn» qabyldaidy. Odan keiin sol eldiń «Metallýrgymen» 5, «Amýrymen» 8 qyrkúiekte muz aidynǵa shyǵady. Tórtinshi oiyn 11 qyrkúiekte taǵy bir reseilik «Spartakqa» qarsy ótedi.
Odan keiingi úsh kezdesý Resei, Latviia jáne Finliandiiada jalǵasady. Aldymen 14 qyrkúiekte Máskeýde TsSKA-men sheberlik baiqassa, odan keiingi oiyndar 16 qyrkúiekte Rigada «Dinaiomen», 18 qyrkúiekte Helsinkide «Iokeritpen» bolady.
Qurlyqtyq hokkei ligasynyń turaqty chempionatynda «Barys» sońǵy kezdesýinde Reseide «Avtomobilistpen» tartysqa túsedi.
